مجموعة متابعة
إيه؟ تقرير تقصي حقائق؟ ده آني واحد فيهم؟
تقرير
تقصي الحقائق اللي بنضغط عشان مايتركنش هو تقرير غطى كل أحداث قتل وإصابة
المتظاهرين من ساعة ما ثورة 25 يناير قامت لحد ما مرسي مسك الحكم.
وإيه
الجديد في التقرير ده، ما طول عمرنا عارفين ان لجان تقصي الحقائق مالاهاش فايدة..
الفرق
المرة دي ان اللجنة ضمت حقوقيين قدروا يوصلوا لأدلة إدانة جديدة وبالأسماء ضد
أفراد من الداخلية ومن المؤسسة العسكرية ويثبتوها في التقرير. المشكلة بقى ان
التقرير اتسلم في نسخة واحدة للرئاسة وتم التعتيم عليه إعلامياً.
ولما
تقرير تقصي الحقائق متسلم في نسخة واحدة وماحدش عارف إيه اللي فيه، انتو ناويين
تتابعوه ازاي ؟
مجموعة
"وراكم بالتقرير" بتضم أعضاء سابقين في لجنة تقصي الحقائق، يعني شاركوا
في كتابة التقرير وعارفين إيه اللي فيه وعارفين إيه الإجراءات اللي النيابة مفروض
تاخدها ولو ماخدتهاش هانبقى محتاجين نضغط عليها.
وإيه
خطواتكم عشان تتابعوا التقرير؟
مجموعة
"وراكم بالتقرير" متقسمة لكذا فريق عمل، أهمهم فريق متابعة القضايا وده
مكون من عدد من المحامين والمتطوعين مهمتهم الأساسية متابعة إجراءات المحاكمة
والتحقيقات وتقديمها للرأي العام بشكل دوري عشان تفضل فيه رقابة شعبية تحاسب على
أي تقصير. عندنا فريق عمل تاني مهمته تكوين كتلة برلمانية تتبني التعديلات
التشريعية اللي طالبت بيها لجنة تقصي الحقائق ومنها حظر استخدام الأسلحة النارية
ضد المتظاهرين وتعديل قانون الشرطة، وقانون للعدالة الانتقالية. عندنا كمان فريق تالت
هيكون مهمته تقديم المساندة المعنوية لأهالي الشهداء عشان مايبقوش بيخوضوا معركة
لوحدهم وفريق رابع مهمته توثيق التحقيقات اللي تمت ومازالت بتتم في كل قضايا قتل
الثوار بحيث يتم تحديثها أول بأول من خلال أرشيف رقمي بالصوت والصورة.
طب
ما بدل كل المجهود ده عشان حاجة حصلت في الماضي، مش كنتو عملتوا حاجة تنفع البلد
وتنقلها لقدام؟
العيش
والحرية والعدالة الاجتماعية مش هينفع يتحققوا طول ما أساس الحكم بايظ، والعدل
أساس الملك.. لو ماجاش العدل بالقصاص، مش هيكون لبلدنا أي مستقبل.
طب
وانا ممكن أقدم لكو إيه؟
احنا
بنقبل متطوعين في كل فرق عملنا. لو حابب تنضم لأي مجموعة منهم راسلنا على warakombeltaqrir@gmail.com
أو اتصل بينا على 01020111076 أو 01010022642 أو 27738870 أو املا استمارة التطوع في المجموعة على https://docs.google.com/spreadsheet/viewform?fromEmail=true&formkey=dFJjbUZST01UUmt1eVUwVGI1enI0aHc6MQ
ليست هناك تعليقات:
إرسال تعليق